ShreeRamCharit Manas

ShreeRamCharit Manas

Shree Ram Naam

Shree RamCharit ManasPosted by Shree Swami Ramanand Sant Ashram Mon, December 05, 2011 11:46:19

Isi bhavsagar ko paar karne ka sahi rasta kya hai?
Shree SatGurudev ke ashirwad aur Maharaj Shree Ramkinkarji ki pustak "Sundarkand ki Sundarta" me jo samjaya gaya hai wahi aap sab ke samane rakhne ki cheta hai.

Shree Hanumanji Maharaj ne hame isi samsya ka ekdam sahi rasta bataya hai. Shree Goswami Tulsidasji Hanuman Chalisa me kahate hai:
"Prabhu Mudrika Meli Mukh Mahi, Jaldhi Landh Gaye Acharaj Nahi."
Aab hum isi baat par gaur kare to samajh me ata hai ki Prabhu Shree Ram ka naam agar hum apani jiwha par dharan karenge to isi bhavsagar ko hum unki hi tarah ek chhalang me paar kar lenge. Shree Anjeya ko Prabhu ke naam pe itna bharosa hai ki unho ne us naam ko apane rom rom me basa liya hai.
Jub unhone prabhu naam ko jiwha pe basake Lanka ka safar prarambha kiya to sab se pahale aa gaye Sumeru Parvatji - matalab ki swarna ka pahad - matalab agar hum apani samajh ke hisab se sonche to lalach. Magar Shree Hanumanji to sab se alag hai - Woh kahate ki "Ram kaj kinhe bina mohe kaha vishram".
Phir aati hai Sursa Mai - wah kya hai - 'spardha - compitition; ki kaun bada ban jaye. Hanumanji maharaj ne uska bhi bahot hi anokha uppay nikala ki woh bahot hi laghu rup me aa gaye aur woh safal hue. Ek baar aur woh chhote ho jate hai jab unko Lanka me Mataki khoj karni hoti hai. Hamari samsya yeh hai ki hum apane ko laghu rup me nahi dekh sakte. Aur agar dekhna hai to uske liye ShreeRam aur ShreeGurudev ke ashirwad chahiye. Hanumanji ne socha hoga ki me chahe bada ho javu ya chhota ShreeRam ka naam to hamesha hi meri jiwha par hai jo sab se adhik sukhdayak hai to phir jaghade me padane ki kya jarurat hai mera karya to Shree Sita mata ki khoj karake Prabhu ShreeRam ko unka pata batana hai.

To aaj se, abhi se hum sab Prabhu ShreeRam aur hamare pyare Shree SatGurudev ko prathana - vinati karte hai ki hum sab ke jivan me bhi prabhu bhakti aye aur unke liye jo sab se jaruri hai RamNaam woh hamari jiwha se kabhi na jaye.
Praan - sharir rahe na rahe par prabhu ka naam is jiv ke sath hamesha rahe.
Agar koi bhul chuk hui to Shree Ramji kshama kare.

Jay Siyaram, Jay Bajrangbali, Jay Shree Gurudev. Sabhi Santo ki Jay.


Fill in only if you are not real





The following XHTML tags are allowed: <b>, <br/>, <em>, <i>, <strong>, <u>. CSS styles and Javascript are not permitted.